|
Wasaarada arimaha gudaha iyo saraakiisha boliska Amisom oo kulan ku
yeeshay Mogadishu
Mogadishu Sabti 11 August 2012 SMC
Naga soo wac halkan (Skype) |
|
|
Wasaarada arimaha gudaha iyo saraakiisha boliska Amisom oo kulan ku
yeeshay Mogadishu
Waxaa Maanta Magaalada Muqdisho kulan ku yeeshay Wasiirka wasaarada
arimaha gudaha iyo amniga qaranka xukuumadda Soomaaliya oo uu
wehlinayay Taliyaha ciidamada booliska Soomaaliyeed Shariif Shiikhuna
Maye iyo saraakiisha ciidamada booliska AMISOM oo gaarayay 140 Askari
oo boolis ah kana socda Dalka Ugandha, iyagoona ka wada hadlay sidii
loo adkayn lahaa amniga Magaalada Muqdisho xilli ay soo food leedahay
doorashada madaxtinimo ee Dalka.
Ugu horayn ayaa madaxdii goobta joogtay waxa ay salaan ka qaateen
ciidamada booliska AMISOM ee ka yimid dalka ugandha iyagoona halkaas
ku sameyay bandhig ciyareed.
Taliye xigeenka ciidamada booliska AMISOM Oye Niyeeki ayaa sheegay
inay u yimaadeen sidii ay u adkayn lahaayeen ammaanka xilliga
dorashada dalka Sooomaliyana uu noqonayo dalkii ugu horayay oo Ciidamo
boolis ah kana socda Midowga Africa yimadaan.
Wasiirka arimaha Gudaha iyo amniga Qaranka Xukuumadda Soomaaliya
C/samad Macalin Maxamuud ayaa ka dhawaajiyay in Ciidamadan booliska ah
ay ka tageerayaan Ciidamada Soomaaliya sidii loo adkayn lahaa amniga
wafdiga imaanaya Dalka iyo xarumaha dowlada.
Shariif Shiikhunaa Maye Taliyaha Ciidmada booliska Soomaaliyeed ayaa
isna sheegay inuu ku hanweynyahay inay Ciidmadan booliiska door muhiim
ka ciyaaraan amniga Dalka.
Dowlada Ugaandha ayaa horay dalka waxaa uga joogay Ciidamo ku
howlgalaya magaca AMISOM kana qeyb qaadanaya howlgalada lagula
dagaalamayo Al-Shabaab waxayna noqonayaan Ciidamadan kuwii ugu
horeeyey oo uhowlgalaya sida booliiska iyadoo Dalal ay ka midyihiin
Nayjeeriya iyo Gana ay balan qaadeen inay Soomaaliya xilliga dhaw ay
usoo dirayaan ciidaamo boolis ah.
Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com
www.somaliweyn.com
Naga soo wac halkan (Skype) |
|
Somaliweyn Media Center (SMC)
Somaliweyn Media Center (SMC)
|
