Mahiga oo ka naxsan geeridii Yuusuf Farey

Mogadishu Axad 12 August 2012 SMC

Naga soo wac halkan (Skype)

Mahiga oo ka naxsan geeridii Yuusuf Farey

War saxaafadeed ka soo baxay xafiiska wakiilka Q,M u qaabilsan arrimaha Soomaaliya Augustine Mahiga ayaa si kulul loogu cambaareeyay dilkii maanta ay kooxo hubeysan magaalada Muqdisho ugu geysteen Yuusuf Cali Cismaan “Yuusuf Farey” oo ka mid ahaa hawl wadeenada Wasaaradda Warfaafinta
Soomaaliya.

Augustine Mahiga waxaa uu sheegay in xafiiskiisu uu si kulul uga xunyahay sida dilku u dhacay waxaana uu intaa ku daray inay tacadiyada wariyaasha Soomaaliya loogu geysto.

Danjire Mahiga waxaa uu xusay inuu xanuunka la wadaagayo eheladii iyo asaxaabtii ay shaqadu kala dhaxeysay Allaha u naxariistee marxuumka.

Wakiilka Q,M u qaabilsan arrimaha Soomaaliya waxaa uu ugu baaqay madaxda dawlada Soomaaliya inay baaritaan ku sameeyaan cidda ka dambeysa weerarada wariyaasha lagu qaado.

Kooxo hubeysan oo sida la sheegay ku labisnaa dharka ay ardaydu qaadato ayaa toogasho ku dilay Yuusuf Cali Cismaan “Yuusuf Farey” xilli uu gaarigiisa kala baxay garaash ku yaala degmada Dayniile.

Meydka marxuumka ayaa maanta lagu aasay qabuuraha Baqdad oo degmada Dharkenley ku yaala.

Madax ka tirsan dawlada oo ay ku jiraan mas’uuliyadda wasaaradda warfaafinta ayaa ka qeyb galay aaska marxuumka maanta la dilay.

Allaha u naxariistee Yuusuf Farey waxaa uu ahaa mihnadyahan saxaafadeed oo muddo dheer ku dhex jiray hawlaha saxaafadda.

Waa wariyihii Sideedaad oosi bareer ah loogu dilo dalka Soomaaliya sanadkaan gudahiisa waxaana dilkaan cambaareeyay ururka saxafiyiinta

Soomaaliyeed ee NUSOJ.

Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com 
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com