Md. Sheekh Muqtaar: "Bannaanka ayaan u soo baxnay mana aamusi doono hadaan nahay beelaha Banaadiriga"

Mogadishu Isniin 13 August 2012 SMC

Naga soo wac halkan (Skype)

Md. Sheekh Muqtaar: "Bannaanka ayaan u soo baxnay mana aamusi doono hadaan nahay beelaha Banaadiriga"

Kulan ay magaalada Muqdisho ku yeesheen beelaha Banaadiriga isla
markaana uu soo qabanqaabiyay Wasiirkii hore ee xukuumadii Farmaajo Md. Sheekh Muqtaar Sheekh Shuute, ayaa waxaa ka soo qeyb galay Waxgaradka, odayaasha dhaqanka, culumaa'udiinka, siyaasiyiinta, aqoonyahanada, dhallinyarada iyo haweenka beelaha Banaadiriga.

Shirweynaha ay yeesheen beelaha Banaadiriga ayaa waxaa looga hadlay xaqa beeshu u leedahay saamiga ay ku leedahay Dowladda cusub ee Soomaaliya gaar ahaan hay'adaheeda kala duwan oo ay beelaha Banaadiriga ahi sheegeen in la isku dayayo sidii meesha looga saari lahaa.

"Anagoo ah odayaasha beelaha Banaadiriga waxaan beesha caalamka iyo xoogagga AMISOM u jeedineynaa ammaan iyo mahad ballaaran dadaalada is biirsaday ee ku saabsan sidii Soomaaliya uga hana qaadi lahayd hannaan dowladnimo iyo xasilooni" ayaa lagu yiri war-saxaafadeed ka soo baxay kulanka beelaha Banaadiriga ay ku yeesheen magaalada Muqdisho.

Sidoo kale bayaanka ka soo baxay beelaha Banaadiriga ayaa lagu caddeeyay inaysan qaadan doonin xadgudubka joogtada ah ee weli lagu hayo beesha, isla markaana xubnaha la sheegay inay beesha u xaroodeen
ayna matalin beelaha Banaadiriga, isla markaana raalli ka ahayn.

"Cadaalad darrada iyo xadgudubka lagu hayo beelaha Banaadiriga waxay na xusuusineysaa heestii ay fannaaniinta Qaranka Waaberi ku luqeeyeen ee ahayd:

Dulmi doonow, dulmi diidiidaan aragnee, dulmi diidow dulmi doon hays ku noqon; Wixii dalka gubay, wixii la isku dilay, wixii dambi dhacay, ka digtoonoow dab hulaaqeey noqotee; Dulmi doonow, dulmi diidiidaan aragnee, dulmi diidow dulmi doon hays ku noqon; Dood caddaalad ah, dadka maqashii, sharcigana dumi, ka digtoonoow, dab hulaaqeey noqotee;
Sidaasi darteed anaga oo aqoonsan beel waliba xaqa ay u leedahay aaya ka talinteeda halka idinkugu soo gudbineynaa in ay beesha Banaadiriga guddoonsadeen:-

WAXAAN GUDDOOONSANAY;-

In beeshan ay hesho wixii dadka Soomaaliyeed ay ku heshiiyeen ama wax ku qeybsadeen beelaha Soomaaliyeed;

In ay beeshu ay dhexdeeda is dulminin oo si cadaalada u qaybsato xildhibaanadeeda,,lana siiyo labada xubin ee  ka maqan Shabeelaha Hoose/Marka,,madaama Oday dhaqameed aan loo xareyn laguna qanciyey in ay helidoonan labadooda xildhibaan maantana ka dhax muuqda cadaalad daradi lagu sameeyey Mbegathi oo kale, mana aqbaleyno ee hala siiyo
labadooda xubnood.

In beelaha Banaadiriga in aysan marnaba aqbali doonin wax kasta oo aan waafaqsaneyn wixii ay ku heshiiyeen beelaha Soomaaliyeed, sida uu dhigayo qodobka 5aad ee heshiiskii magaalada Gaalkacyo; In beesha Banaadiriga aysan aqbli doonin xubnaha ay magacyadoodu gudbiyeen odayaal dhaqameedyada hadda u xareysan beelaha Banaadiriga,

In haddii la aqbalo xubnaha aan matalin beesha balse qaarkood aan xataa  dhalasho ahaan ka soo jeedin beelaha Banaadiriga,,,,, ay beeshu si buuxda u qaadici doonto shirka ka socda Muqdisho; In  beeslaha Banaadiriga aanu aqbali doonin fikirki Mbagathi ee 2004 ee dagaal ogayaashi ay ku qaybsadeen xildhibanadi markaas, hadana ka dhex muuqda beeslaha banaadiriga in ay ku qaybsadaan habkaas.

In ay beesha banaadirigu leeyihiin aqoonyahano iyo siyaasiyiin ilaa heer wasiiro, taas waxaan ula jeednaa in aan fursad la siin ay kula tartanaam musharaxiinta kale oo uu Odaygu gudbiyey lix ruux ookaliya oo aysanba haysan wax la tartama taana waa mid ugaar ah Odayaasha soo xulaya reer Banaadir xildhibaanadooda mana ku raacsanin.

waxaan ogolan doonin hadii aan nahay beesha Banaadiriga,,,in ay odoyaasha keenaan dad aan ceritriyadi aan soo buuxin  hadana aan ognahay in la gudbiyey magacyadooda,, dad aqoontoda aan garsiisneyn heerka layska rabo.
Waxay beeshu la yaaban tahay oo kale in hadii aad fiiriso liiska qabiilka ee wax lagu qaybsaday in qabiilo ku jira beelaha kale,
hadana  lagu soo daray Banaadiriga,,, waxaan cadeyneynaa in ay ku jireen Baarlamaanki u danbeeyey hal Qabiil oo laba canleynaya, waxan ka wadnaa in qabiil hebel uu ku qaatay xildhibaan beesha Banaadiriga, beelakana uu ku qaatay sida beesha Hawiyaha oo kale mana  ogolaan doono in maanta oo dalki Hooyo lagu qanayo aysan dhicin cadaalad dhab
ah ayadoo an codsaneyno in la sameeyo Gudiyo contoroola oo dhowra cadaalada si aysan qaladkaas oo kale uusan dib ugu soo noqon .

Beelaha Banaadiga waxay ku hanweyn yihiin in la tixgaliyo dhamaan hishiisyadii ay Somalida wadada gaareen ee tubta nabada gaar ahaan,,,, shirkii  Istambul oo hoosta looga xariiqay in Barlamaanka Cusub uu noqdo mid loo soo xulo si cadaalad ah oo aaney mugdi ku jirin.

Haddaba beelaha Banaadiriga waxay si naxariis leh uga codsanayaan dhammaan hey’adaha ay sida tooska ah u quseyso ashkatadan lagu wargelinayaa in ay soo dhexgalaan si heshiis kama dambeys ah looga gaaro khilaafkan oo sababi kara dib u dhac ku yimaada shirka.

Kulankaan ayaa waxaa ka hadlay waxgaradka beelaha Banaadiriga oo magacyadooda ay ka mid yihii:

1. Ugaaska Beesha Gendershe
2. Md. Abba Awoow Suufi, Madaxweynaha maamul goboleedka Banaadir State
3. Md. Xaaji Shiiqeey Malaaqa beelaha Banaadiriga
4. Xildhibaan Caamir Shakeeti
5. Xildhibaan Maxamed Sheekh Cali
6. Md. Toosane Shariif Abba, Guddoomiyaha Jaaliyadda Yeman
7. Md. Abba Sokor, Nabadoonka beelaha Banaadiriga
8. Md. Cumar Shariif Jeeg, Guddoomiyaha midnimada dhallinyarada ahna
afhayeenka beelaha Banaadiriga.

Ugu dambeyntii kulanka beelaha Banaadiriga go'aanadii ka soo baxay ayaa lagu xusay baaq guud oo loo diray guddiga madaxa bannaan ee soo xulidda Baarlamaanka, AMISOM, dalalka daneeya arrimaha Soomaaliya, Qaramada Midoobay, gaar ahaan xafiiskeeda qaabilsan siyaasadda Soomaaliya in lagu tumayo xaqa beeshu u leedahay inay iyadu xulato xubnaha Baarlamaanka u matalaya.

Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com 
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com