Weerar lagu qaado Magaalada Kismaayo oo ay Qaramada Midoobay ka digtay

Mogadishu Talaado 14 August 2012 SMC

Naga soo wac halkan (Skype)

Weerar lagu qaado Magaalada Kismaayo oo ay Qaramada Midoobay ka digtay

Mark Bowden Xiriiriyaha dhinaca gargaarka bani'aadamnimo ee Soomaaliya u qaabilsan Qaramada Midoobay, ayaa maanta ka digay in la weeraro magaalada Kismaayo ee xaruunta gobolka Jubbada hoose oo ay ka taliso Kooxda Al-shabaab.

Ilo xog-ogaal ah ayaa sheegaya in Ciidamada AMISOM ee ku sugan Soomaaliya, gaar ahaan kuwa ka socda Kenya waxay qorsheenayaan in dhawaan duulaan ay ku qabsanayaan Kismaayo ku qaadayaan ka hor inta aysan dhamaan Bisha Aug.

Mark Bowden  "Waxaan aad uga walaacsanahay wararka sheegaya khasaarihii dadka shacabka ahaa kasoo gaaray duqeyn maraakiib ay u geysteen magaalada Kismaayo,waxaana uu ku baaqay dhinacyada oo dhan inay yareeyaan khasaaraha shacabka soo gaaraya.

Duqeynta oo dhacday Sabtidii lasoo dhaafay ayaa waxaa ku dhintay saddex qof oo shacab ah, iyadoo dhowr kalena ay khasaare kasoo gaartay, balse dadka ku nool degmada Kismaayo ayaa waxay soo sheegayaan in xilligan ay xalaaddu tahay mid aad u kacsan oo ay dadka degaankuna ka baqdin qabaan dagaalo ka dhaca magaaladooda.

Magaalada Kismaayo oo 500-km dhinaca Koonfureed kaga beegan Muqdisho ayaa waxaa ku sugan kooxda Al-shabaab, iyadoo saraakiil u hadlay kooxdan ay sheegeen inay iska difaaci doonaan weerar walba oo degmadaas lagu soo qaado.

Dalalka ay ciidamadu kaga sugan yihiin gudaha Soomaaliya ayaa waxay dhowr jeer oo hore sheegeen in magaalada Kismaayo ay tahay xudunta Al-shabaab iyadoo aan la qabanna nabada Soomaaliya aan lagu tilmaami Karin mid wanaagsan.

Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com 
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com