|
Ciidammo ka tirsan Milateriga Soomaaliya oo Tababar loogu soo xiray
deegaanka Jasiira ee Muqdisho
Mogadishu Talaado 14 August 2012 SMC
Naga soo wac halkan (Skype) |
|
|
Ciidammo ka tirsan Milateriga Soomaaliya oo Tababar loogu soo xiray
deegaanka Jasiira ee Muqdisho
Ciidammo ka tirsan milateriga dowladda Soomaaliya oo tiradoodu
gaarayso 602-askari ayaa maanta tababar loogu soo xiray xero ciidamada
dowladda ku leeyihiin deegaanka Jasiira ee duleedka Muqdisho, waxaana
la sheegay in ciidamadaas ay ka qayb-qaadanayaan sugidda ammaanka
Muqdisho inta doorashooyinku socdaan.
Wasiirka gaashaandhigga, Xuseen Carab Ciise, taliyaha ciidamada
milateriga Jen. C/qaadir Sheekh Cali Diini, xubno ka socda Midowga
Afrika, Qaramada Midoobay iyo saraakiisha AMISOM ayaa ka qaybgalay
munaasabadda lagu soo xirayay tababarka.
"Ciidamadan waxay tababar kusoo qaateen dalka Uganda muddo lix bilood
ah, laba bilood ayayna halkan tababar kale ku qaateen, waxayna diyaar
u yihiin inay qayb ka qaataan sidii ay uga shaqeyn lahaayeen soo
celinta ammaanka dalkooda," ayuu yiri Jen. Diini oo intaas ku daray in
ciidamadan berri lasiin doono mushaaraadkooda.
Wasiirka gaashaandhigga Soomaaliya,Mudane Xuseen Carab ayaa sheegay
in ciidamadan ay yihiin kuwo Soomaaliyeed oo aan loo adeegsan karin
qaab kale oo siyaasadeysan, wuxuuna xusay in ciidamadan ay niyadjab
weyn ku ridayaan cadowga dalka.
Ciidamadan oo isugu jiray rag iyo dumar ayaa waxay soo bandhigeen
gaaddo-ka-ciyaar ay ku muujinayeen tababarradi ay soo qaateen, waxaana
tababarka ay soo bandhigeen ka mid ahaa inay hub la'aan howgali
karaan.
Saraakiil ka tirsan kuwa dowladda oo iyaguna munaasabadda ka hadlay
ayaa sheegay inay ciidamadan awood buuxda u leeyihiin inay qabtaan
gaadiidka looga shakiyo inay wataan kooxo doonaya inay rabshado
abuuraan.
Saraakiishii ka socday beesha caalamka iyo xubnaha dowladda KMG ah
ayaa waxay socod kusoo mareen xero loo sameynayo ciidamada DKMG ah ee
Soomaaliya oo dhismaheedu ka socdo deegaanka Jasiira.
Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com
www.somaliweyn.com
Naga soo wac halkan (Skype) |
|
Somaliweyn Media Center (SMC)
Somaliweyn Media Center (SMC)
|
