Safaarada Britain ee dalka Kenya oo Xaalada Soomaaliya oo rajo ka muujiyay (SAWIRRO)

Mogadishu Arbaco 15 August 2012 SMC

Naga soo wac halkan (Skype)

Safaarada Britain ee dalka Kenya oo Xaalada Soomaaliya oo rajo ka muujiyay (SAWIRRO)

Safiirka dawlada Britain ugu xilsaaran arrimaha Soomaaliya Matt Baugh ayaa rajo wanaagsan ka muujiyay xaalada Soomaaliya, isagoo sheegay in ansixinta dastuurka iyo horumarka dhanka ammaanka ee la gaaray ay tahay calaamad muujinaysa in Soomaaliya ay soo hagaagayso.

safiirka ayaa hadalkan ka jeediyay kulan afur ah oo safaarada Britain ee magaalada Nairobi ugu samaysay qaar kamid ah masuuliyiinta Soomaalida ayuu sidoo kalana ka digay sii socoshada carqaladaynta soo doorashada xubnaha cusub ee baarlamaanka.

Danjire Baugh ayaa sheegay inuu la qabo qaramada midoobay, ururka midowga afrika iyo urur goboleedka IGAD digniinihii ay soo jeediyeen ee ku aadana in la joojiyo musuqmaasuqa iyo cagajuglaynta lagu hayo hannaanka lagu soo dooranayo xildhibaanada cusub.

Xafladan Afurka ayaa waxaa ku sugnaa danjiraha Soomaaliya u jooga dalka Kenya Maxamed Cali Nuur (Ameeriko), xildhibaanka xaafada Kamakunji ee Soomaalidu ku badantahay Yuusuf Xassan iyo gudoomiyaha
gudiga doorashooyinka dalka Kenya Isxaaq Xassan oo kasoo jeeda gobolka Soomaalida ee waqooyi bari.

Waxaana Isxaaq Xasan uu uga mahad celiyay taageerada ay dawlad Ingiriisku u fidisay gudigooda iyo sidoo kale dadaallada lagu taageerayo in doorasho si nabad ah u dhacda laga dhigo Kenya sanadka soo socda.

Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com 
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com