Shiinaha oo ka warbixisay howlgalkeeda ka dhan ah burcad badeedda

Mogadishu Arbaco 1 August 2012 SMC

Naga soo wac halkan (Skype)

Shiinaha oo ka warbixisay howlgalkeeda ka dhan ah burcad badeedda.

Afayeenka wasaaradda difaaca dalka shiinaha Geng Yansheng oo shir jaraa’id warbaahinta ugu qabtay magaalada Beijing ee caasimadda dalka shiinaha ayaa waxa uu shaaca ka qaaday waxqabadka dowladda shiinaha ee
wajahan howlgalka la dagaalanka kooxaha burcad badeedda soomaalida .

Afayeenka ayaa sheegay in laga soo bilaabo sanadkii 2008da oo aheyd xilligii howlgalka Atlanta laga bilaabay xeebaha Somalia maraakiibta dagaalka ee dowladda shiinaha ay kooxaha burcad badeedda soomaalida ay ka badbaadiyeen maraakiib ganacsi oo tiradooda ay gaarayso 4,734 oo
markab kuwaas oo marayay gacanka cadan iyo marinno kale oo ka baxsan biyaha somalia

Waxa uu yiri Geng Yansheng oo ah afayeenka wasaaradda difaaca dalka shiinaha "2008dii ilaa iyo sanadkan 2012ka waxaan xeebaha soamalia aan u soo dirnay 12 koox oo ciidan ah iyo 31 maraakiibta dagaalka ah, waxana ay muujiyeen nafhurnimo , iyagoo ka guul gaaray la
dagaalanka burcad badeedda".

Afayeenku waxa uu hadalkiisa intaa ku daray in askar gaaraysa 20,000 oo askari oo shiinees ah ay ka qeyb qaadanayaan howlgallada QM iyo midowga Africa ee lagu doonayo in nabad looga dhaliyo dalka Somalia .

Dowladda shiinaha waxa ay hishiis ka dhan ah burcad badeedda ay la gaartay in ka badan 150 dowladood ee ku yaala 7 qaarad ee adduunka.sida uu yiri afayeenka wassaaradda difaaca dalka shiinaha.

Dowladda shiinaha ayaa noqoneysa dowladdii ugu horeysay oo ka warbixisa howlgalkeeda ka dhanka ah burcad badeedda tan iyo markii xeebaha Somalia laga bilaabay howlgalka Atlanta sanaddii 2008da.

Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com 
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com