Soo dhowaynta warmurtiyeedka beesha caalamka iyo heerka la soo gaarsiiyay hawlaha xilliga kala guurka

Mogadishu Isniin 20 August 2012 SMC

Naga soo wac halkan (Skype)

Soo dhowaynta warmurtiyeedka beesha caalamka iyo heerka la soo gaarsiiyay hawlaha xilliga kala guurka

Xarunta murashaxa madaxweynenimada 2012 ee Dr. Cabdiraxmaan Macalin Cabdulaahi {Baadiyow} waxaa ay soo dhowaynaysaa dadaalka beesha caalamka ee ku aaddan hubinta habsami u socodka hawsha kala guurka, gaar ahaan wefdigii wada-jirka ahaa ee shalay kormeerka ku yimid magaalada Muqdisho.

Murashaxeyna Dr. Baadiyow wuxuu yiri: “Waxa aan u arkaa in war-murtiyeedkii ka soo baxay beesha calamka taariikhda August 19, 2012 oo ku saabsanaa qaabka ay socoto hawlaha xilliga kala-guurka ee Somaaliya uu ahaa mid wax ku ool ah oo wax badan ka taraya in odayaasha dhaqanka iyo guddiga farsamadu ay hawshooda si kalsooni ku jirto u qabsadaan”.

Waxa kale oo xaruntu u mahad celinaysaa odayaasha dhaqanka iyo guddiga farsamada ee xulaya xubnaha baarlamaanka sida hawl-karnimada leh ee ay hawsha u wadaan, taas oo ilaa iyo hadda u socota si wanaagsan, in kasta oo ay la kulmeen culaysyo, fara-gelino iyo handadaad fara badan.

Dhamaad

Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com 
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com