Qabashada Araajida Musharixiinta u tartamaysa xilka guddoomiyaha baarlamaanka iyo ku xigeennadiisa oo maanta ku eg

Mogadishu Jimco 24 August 2012 SMC

Naga soo wac halkan (Skype)

Qabashada Araajida Musharixiinta u tartamaysa xilka guddoomiyaha baarlamaanka iyo ku xigeennadiisa oo maanta ku eg.

Waxaa maanta ku eg qabashada araajida murashaxiinta u taagan xilka guddoomiyaha Baarlamaanka iyo ku xigeennadiisa siday maanta shaaciyeen

Guddiga qabanqaabada doorashada guddoonka sare ee baarlamaanka Soomaaliya.

Xildhibaan Cismaan Libaax Ibraahim ayaa sheegay in qabashada araajida murashaxiinta u tartamaya xilalka afhayeenka ku xigeennadiisa waxay ku eg tahay maanta oo Jimco ah, wuxuuna afhayeenka guddigan doorashada xidhibaan Cismaan Libaax uu sheegay in diyaargarowga loogu jiro doorashada guddoonka baarlamaanka ayaa ku eg berri oo Sabti ah.

Maalinta Axada ah oo ay bishu tahay 26-ka waxaa bilaabanaysa doorashada guddoomiyaha Baarlamaanka iyo ku xigeenkiisa, Musharixiinta ilaa iyo haatan u taagan jagada Gudoomiyaha Baarlamaanka ayaa waxay kala yihiin :

Dr Cali Khaliif Galeyr

Prof Maxamed Sheekh Cismaan Jawaari

Prof C/risaaq Cismaan Jurille

C/rashiid Maxamed Xidig

Maxamed Rashiid Maxamed

Dhinaca kale Xubnaha

Baarlamaanka Soomaaliya ayaa iyagu dooranaaya shaqsiyaadkii hogaamin lahaa Baarlamaanka, waxaana Axdda la filayaa in si buuxda loo doorto Xubnaha ugu sareeya Baarlamaanaka Soomaaliya, sida : Gudoomiyaha iyo ku xigeenadiisa iyo nidaamiyaal.

Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com 
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com