|
Soomaali Al-Shabaab taageerta oo lagu xukumay saddex sano oo xariga ah
Mogadishu Jimco 3 August 2012 SMC
Naga soo wac halkan (Skype) |
|
|
Soomaali Al-Shabaab taageerta oo lagu xukumay saddex sano oo xariga ah
Maxkamadda dambiyada ee magaalada London ee xarunta ingiriiska ayaa xukun saddex sano ah ku ridday labo wiil oo soomaali ah oo lagu kala
magacaabo Mohammed Sabir Ali and Mohammed Shafiq Ali kuwaas oo bishii april ay soo xereen waaxda sirdoonka dalka ingiriiska kadib markii ay
dhageysteen tiliifanno ay ku hadlayeen.
Labadan wiil oo ah kuwo qaraabo ah ayaa qirtay inay xiriir ay la leeyihiin al qaaciddada ku sugan dalka yeman iyo al shabab oo lacago
badan ay u direen dagaalyahanno shabaab ka tirsan oo ku sugan dalka Somalia.
Qaadiga maxkamadda Adrian Fulford ayaa sheegay in baaritaano booliska ay sameeyeen lagu soo ogaaday in labadan wiil ee soomaalida ah ay
direen lacag gaareysa 3,000 pounds oo u dhiganta $4,700 , sidaa darteed maxkamaddu ay ku xukuntay saddex sano oo xarig ah..
Mid kamid ah xeer ilaaliyayaasha maxkamadda london ku taala oo lagu magacaabo Timothy Cray ayaa tilmaamay in wiilashan maxkamadda horteeda
ay ka shaaciyeen inay ahaayeen shabakad isku xeran oo al shabab taageerta , lacagaha al shabab ay ku taageerayaanna ay u soo diri
jireen walaalkood oo ka tirsan al shabab oo la yiraahdo Mohammed Shamim Ali oo 29sano jir ah.
Maxkamadaha ku yaala dalka ingiriiska ayaa marar badan xukun ku riday dad Somalia iyo ajaanib isugu jira kuwaas oo lala xiriirinayo al
shabab.
Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com
www.somaliweyn.com
Naga soo wac halkan (Skype) |
|
Somaliweyn Media Center (SMC)
Somaliweyn Media Center (SMC)
|
