Faafaahin dheeraad oo ka soo baxayaa dagaal ay shabaabku ku qaadeen ciidanka Itobiyanka ee Baladweyne

Mogadishu Sabti 4 August 2012 SMC

Naga soo wac halkan (Skype)

Faafaahin dheeraad oo ka soo baxayaa dagaal ay shabaabku ku qaadeen ciidanka Itobiyanka ee Baladweyne

ilo xog-ogaal ah oo ku sugan Magaalada Baladweyne ayaa u xaqiijiyay shabakada wararka ee somaliweyn.com in dagaal sababay qasaare isugu jira dhimasho iyo dhaawac uu xalay ku dhexmaray duleedka Baledweyne.

Saqdiii dhexe ee xalay ayeey dadka magaalada baladweyne waxaa ay mar kaliya hurdada kaga salaleen Hugunka iyo dhawaqa Hoobiyaha ka dib waxaa isku dhacday rasaasta qoryaha darandooriga u dhacda.

Warar xog-ogaal ah ayaa sheegayaa in ugu yaraan meydka 13 ruux oo lagu arkay goobta laysku farasaaray ilaa 12 kale oo Shabab ayaa nolol ahaa lagu soo gaarsiiyay bartamaha Baladweyne kuwaa oo ugu dambeyn laga dhoofiyay garoonka Baladweyne oo diyaarad nuuca ciidamada ay ka qaaday masuul ka tirsan maamulka Gobalka Hiiraan oo diiday in magaciisa la xigto sababto ah Saraakiisha Ethoipia oo aan ogoleen in laga warbixiyo howlgalkooda ayaa sheegay in Hal Gaari oo Nooca Cabdibille ah oo uu saaranyahay Qoriga Hoobiyaha iyo laba ka tirsan Horjoogayaashii
hogaamineysay.

Dadka degaanka Tuulada Buq-aqable ayaa sheegay in ilaa 4 ka tirsan meydka kooxda Alshabaab lagu aasay duhurnimadii manta.

Maamulka Gobalka oo kulan deg deg ah ka yeeshay kulankii xalay ayaa ku heshiiyay in saraakiisha Ethiopia iyo kuwa dowlada Somaaliya ay iska kaashadaan dhinaca macluulaadka taas oo ay ku sheegeen in ay sabab u tahay guushii xalay laga gaaray weerarkii Alshabaab ee Baladweyne oo ay Saraakiisha Ciidanka Ethiopia kulanka ka sheegeen in ay ka warhayeen xiligii Ciidanka Shabaabka ay gaadiidka soo raacayeen Tuulo sida ay sheegeen qiyaastii 50KM baladweyne u jirta .

Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com 
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com