Danjire David Shean: "Wadahadalada Soomaaliya iyo Somaliland waxay meesha ka saarayaan is-faham daro mudada dheer jirtay"

Mogadishu Isniin 2 July 2012 SMC

Naga soo wac halkan (Skype)

Danjire David Shean: "Wadahadalada Soomaaliya iyo Somaliland waxay meesha ka saarayaan is-faham daro mudada dheer jirtay"

Danjirihii Mareykanka ee dalka Ethopia, David Shean ahna siyaasi ka
faallooda arrimaha siyaasadda geeska Afrika ayaa soo dhaweeyay
wadahadallada u billowday Dowlada Soomaaliya iyo Maamulka Somaliland, isagoo ku tilmaamay in ay suurto galtahay wadahadaladaasi kuwo meesha ka saari kara khilaafkii labada dhinac u dhexeeyay mudo ku siman 20 Sano.

Kulanka madaxweynaha Soomaaliya iyo madaxweynaha Somaliland ee ka dhacay magaalada Dubai ayuu ku tilmaamay mid horumar ah, isagoo ku boorriyay madaxda Soomaalida inay kulammada sii wadaan.

Kulammada Soomaaliya iyo Somaliland ayaa waxay qayb ka ahaayeen qodobbadii kasoo baxay shirkii London lagu qabtay bishii Feberaayo ee sannadkan, waxaana labadii ergo ee kala matalaysay labada dhinac ay bishii hore ku kulmeen duleedka London.

Danjire Shean oo wareysi siinayay telefishinka afka Soomaaliga ku hadla ee Horn-Cabel ayaa la weydiiyay sababta Maraykanku uu u dhiirri-gelin la'a yahay in Somaliland ay aqoonsi hesho ayuu wuxuu kaga jawaabay in aqoonsiga Somaliland uu yahay mid u yaalla Ururka Midowga Afrika, Mareykankuna uusan awood u lahayn inuu aqoosi siiyo iyadoo dowladaha Africanka aqoonsi bixin.

Naga soo wac halkan (Skype)

Somaliweyn Media Center (SMC)

contact@somaliweyn.com