Ciidamada Dowlada KMG iyo Kuwa Ethiopia oo Sare u qaaday Dhaqdhaqaaqyadooda Gobalka Bay

Mogadishu Isniin 30 July 2012 SMC

Naga soo wac halkan (Skype)

Ciidamada Dowlada KMG iyo Kuwa Ethiopia oo Sare u qaaday Dhaqdhaqaaqyadooda Gobalka Bay

Wararka aanu ka helayo Magaalada Baydhabo ee Xarunta Gobolka Bay ayaa sheegayaan in halkaas labadii Cisho ee ugu dambeysay ay ka jireen dhaqaaq ciidan oo ay sameynayeen ciidamada Dowlada KMG ah iyo kuwa caawinaya ee Ethiopia.

Qaar ka tirsan dadka Degaanka ayaa sheegay in dhaqdhaqaaqyada ciidanka ay yihiin kuwa aan caadi aheen kuwaa oo qorsheynayaa in Degmooyinka Gobalka Bay ee Gacanta Shabaab ku jira dib loo xoreeyo si dadka Shicibka ay u helaan gargaarka Bani,adamnimo.

"Ciidamada Ethiopia iyo kuwa Soomaalida ayaa waxay isku urursanayeen saldhigyo ay ku leeyihiin magaalada, waxaan sidoo kale socday gaadiid dagaal oo fara badan kuwaasoo ay ku jireen taangiyo," ayay goobjoogayaal ku sugan Baydhabo u sheegeen Warbaahinta Muqdisho.

Maamulka Magaalada Baydhabo iyo saraakiisha ciidamada ayaan weli ka hadlin daqdhaqaaqyada ciidan ee ka jira degmada Baydhabo, kuwaasoo shacabka ku nool halkaas ay aad u dareemeen.

Inkastoo xilligaas kaddib ay ciidamada isbahaysanaya qabsadeen dhowr degmo oo ka tirsan gobolkaas ayaa haddana waxay weli Malayshaad Al-shabaab ay dhibaato ku hayaan dadka ku nool degaanada wali ay
gacanta ku hayaan.

Qeybo ka tirsan Gobalada Bartamaha iyo Koonfurta Somaliya waxaa ka soconaaya Qorshe la doonayo in lagu Jabiyo Awooda Alshabaab oo xili ka talin jirta ilaa 8 Gobal oo Koonfurta dalka abaabulka ugu weyn ayaa waxaa uu ku wajahanyahay dhinaca Magaalada Kismaayo halkaas oo la filanaayo ka hor 20 Bisha Aug. ii ay duulaan ku qaadaan Ciidanka Ethiopia oo si sahlan mar walba ku jiba kooxda Malayshaadka Alshabaab.

Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com 
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com