Majaajiliiste caan ah oo caawa lagu dilay Muqdisho

Mogadishu Talaado 31 July 2012 SMC

Naga soo wac halkan (Skype)

Majaajiliiste caan ah oo caawa lagu dilay Muqdisho

Allaha u naxariistee majaajiliiste caan ah ayaa caawa fiidkii lagu dilay degmada Waaberi gaar ahaan masaajidka Cali Boolaay ee magaalada Muqdisho, waxaana majaajiliistaha oo lagu magacaabi jiray Cabdi Maaxi Muriidi oo ku magac dheer (Marshaale).

Sida ay sheegayaan warar ku dhow dhow goobta lagu dilay majaajiliiste Marshaale, waxaa dilkiisa ka dambeeyay ilaa afar dhallinyaro ah oo ku hubeysan bastoolado, kuwaasi oo lix xabadood kala dhacay madaxa, hase yeeshee dhaawiciisa oo markiiba loola cararay isbitaal Madiina ayaa la
sheegayaa inuu dhexda ku geeriyooday.

Kooxihii ka dambeeyay dilka Allaha u naxariistee Majaajiliiste Cabdi Muriidi Maaxi (Marshaale) ayaa goobtaasi isaga cararay, iyadoo ciidamada Booliska ee halkaasi gaaray aanay u suurtagelin inay gacanta ku soo dhigaan.

Majaajiliiste Marshaale oo horay u soo bandhigay sheekooyin fara badan oo ku saabsan arrimaha bulshada maalmihii ugu dambeeyay, kuwaasi oo dadweynaha Soomaaliyeed si weyn u soo jiitay dareenkooda dhinaca
nolosha, jacaylka, lamaanayaasha ragga iyo dumarka ayaa xilliyada qaarkood wuxuu ka qeyb qaadan jiray sheekooyinka siyaasadda dalka.

Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com 
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com