Madaxweyne Jerry Rawlings oo cambaareyay sunta lagu daadinayo xeebaha Somaliya

Mogadishu Arbaco 4 July 2012 SMC

Naga soo wac halkan (Skype)

Madaxweyne Jerry Rawlings oo cambaareyay sunta lagu daadinayo xeebaha Somaliya

Madaxweynahii Hore ee Chana Jerry John Rawlings ayaa cambareen
dusha uga tuuray kaluumeysida sharci darada iyo sunta lagu daadiyo
xeebaha Somaliya taas oo waxyeelo gaarsiinaya bani,adamka iyo ugxaanta Kalluunka.

Waxaa uu beesha caalamka ugu baaqay in wax laga qabto lana saaro culeys sidii masuuliyadaas loo qaadi lahaa si kuwa aan u hogaan samin cadaalada loola tiigsan laha gaar ahaan maxkamada Hague.

Qoraalkan ayaa ka soo baxay xafiiska Accra uu ku leeyahay Madaxweynahii hore Jerry Rawlings iyadoo nuqul ka mid ah qoraalkaas la soo gaadhsiiyay maanta oo Arbaco ah wakaalada wararka u qaabilsan Chana waxaana hadalkan uu ka jeediyay kulan loga hadlayay burcadbadeeda abaabulan kulankaas oo ay soo qabanqaabisay dowlada isutaga Imaaraadka Carabta.

Madaxweynahii hore Mr: Rawlings,oo xiligan ah wakiilka sare ee midowga Africa u qaabilsan Somaliya oo furitaanka shirka hadal ka jeediyay ayaa ka warbixiyay xaalada Somaliya ee dhinaca bani,adamnimada iyo
kaabayaasha dhaqaalaha xiligan iyo sida ula kaca ah ee logu xadgubayo xeebaha Somaliya

Waxaa uu yir, “ waa mid aan la aqbali karin sharaf dhacna ah in haraadiga warshada lagu daadiyo xeebta ugu dheer ee Somaliya .waa in dagaal lagu qaadaa burcadbadeeda waxaan aaminsanahay burcada lagula dagaalami karo dhulka iyadoo Somalida la kaashanayo.

Waxaa uu ku baaqay in la sameeyo Buundo u qalanta in ay isku xirto Somaliya iyo Caalamka intiisa kale waxaa jirta naceeb badan oo loo qaaday askari Maraykanka markii uu dilay qof muwaadin Afgani ah waxa askarigaas dib logu celiyay wadankiisa halkaaso oo maxkamada lagu saaray xili kuwa kale ee dambiyada geysta dhaqso cadaalada loo geeyo.

“Afganistaniyiintu waxa ay kordhiyeen in ay cadaw u arkaan sababtoo ah ma arkaan in ay cadaalad tahay ficilka ceynkaas ah” ayuu intaas raaciyay .

Waxaa uu sidoo kale bogaadiyay dowlada iyo shacabka Turkey taageeradooda la yaabka leh ee dhinacyada
farsamada,maalgalinta,waxbarashada iyo kaabayaasha dhinaca caafimaadka.

“Turkey waxa ay u qalantaa in magacaabo sababtoo ah waxaa ay isu taagtay in Somaliya dhinaca fiican uu caalamka u arko.”

Markii ay xaalada bani,adamnimo ka dhacay Somaliya Sanadkii 2011, raisalwasaaraha Turkey waxaa uu tagay Somaliya isagoo iska indhatiraya xaaladii amaan daro ee ka jirtay Somalia xiligaas waxaa uu booqday wadanka isagoo ay la socdaan wafdi culus oo ay ku jiraan xaaskiisa caruurtiisa iyo dad maqaam sare ka jooga wadankiisa si uu u tuso, midnimo.

Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com 
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com