|
Somalia, Ethiopia iyo Eritrea oo ka baaqsadey Cecafa Kagame Club Cup.
Mogadishu Arbaco 4 July 2012 SMC
Naga soo wac halkan (Skype) |
|
|
Somalia, Ethiopia iyo Eritrea oo ka baaqsadey Cecafa Kagame Club Cup.
Iyadoo weli garoonka k.cagta ee Jaamacadaha Muqdisho ka socdo
horyaalka heerka koowaad ee dalka lana filayey in naadiga Elman Fc oo
koobka difaacaneysa markale ka qeybgasho horyaalada bariga iyo
bartamaha qaarada Afrika maadama ay hogaanka u heyso horyaalka oo
wareegii koowaad lagu guda jiro ayaan hadana jirin in gebi ahaanba
Somalia ka qeyb galeyso tartankaasi.
Xiriirka kubada cagta ee Cecafa ayaa soo saarey magacyada iyo dalalka
ay ka socdaan kooxaha ka qeybgalaya Koobkaa oo 11 naadi ah 3 kamida ay
Tanzania ka dhisan yihiin,iyagoo weliba kala hogaaminaya 3da Group ee
loo qeybiyey.
Koox ka socota Sudanta Cusub ee koofurta Sudan ayaa ka mida kooxaha ka
qeybgali doona tartanka oo 14-ka bishan ka bilaaban doona Dar u Salaam
isagoo socon doona ilaa 28-ka July.
Sidoo kale majiro wax Kooxo ah oo ka socda dalalka Ethiopia iyo
Eritrea oo tartanka Kagame Club Cup 2012 ka qeybgali doona,waxaase
lagu casuumey koox ka dhisan DR Congo.
Tartankan ayaa sanad kasta la qabtaa,iyadoo uu maal geliyo Madaxweyne
Paul Kagame oo magaciisa lagu xayeysiiyo tartanka, waxaana 3da kooxood
ee ugu horeysa kaalimaha ay qeybsadaan $60.000.
Elman Fc ayaa Somalia u meteshay sanadkii hore Tartankan, waxaana ay
kala soo guryo noqotey guul daro dhamaan ciyaarihii ay soo yeelatay oo
groupka ayey ugu hooseysay, laakiin sidaasi oo ay tahay iyaga ayaa ugu wanaagsan gudaha,xagga diyaargarowga iyo dhaqaale ahaan intaba iyadoo
aan la ogeeyn sababta ay uga baaqatey ka qeybgalka sanadkaan.
By zaciimka
Somali sports Writer.
Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com
www.somaliweyn.com
Naga soo wac halkan (Skype) |
|
Somaliweyn Media Center (SMC)
Somaliweyn Media Center (SMC)
|
