| Somali
News |
|||||||||||||||
|
|||||||||||||||
Madaxweynaha DKMG Shariif Sheekh Axmed oo wafdi uu hogaaminayo ay ku suganyihiin dalka Ugandha ayaa qasriga Madaxtooyada dalkaasi kula kulmay Madaxweyne Uweri Museveni Mogadishu Sabti 12 May 2012 SMC
Madaxweynaha DKMG Shariif Sheekh Axmed oo wafdi uu hogaaminayo ay ku suganyihiin dalka Ugandha ayaa qasriga Madaxtooyada dalkaasi kula kulmay Madaxweyne Uweri Museveni. Kulanka oo ahaa mid saacado badan qaatay ayey labada Madaxweyne ka wada hadleen xiriirka Labada dal iyo sidii loosii adkeynlahaa guullaha ay wadajir usoo hooyeen Ciidammada Qalabka Sida ee Soomaaliya oo garab ka helaya kuwa Midowga Afrika ee AMISOM. Ra’isulwasaare kuxigeenka ahna Wasiirka Wasaaradda Gaashaandhigga Soomaaliya Xuseen Carab Ciise oo wafdiga Madaxweynaha ka mid ah ayaa sheegay in Madaxweynaha Dowlada KMG Shariif Sheekh Axmed uu uga mahad celiyey Madaxweynaha Ugandha tababarrada gudaha dalkaasi lagu siiyo Ciidammada Xoogga Dalka Soomaaliyeed ayadoo sidoo kalena labada Madaxweyne ay ka wada hadleen sidii tababaradaasi loosii wadi lahaa. Dhinaca kalena Madaxweyne Shariif Sheekh Axmed oo uu wehliyo
Kuxigeenka Ra’isulwasaaraha ahna Wasiirka Gaashaandhigga Mudane Xuseen
Carab Ciise ayaa kormeer ku tegay xerada Kamamka ee duleedka magaalada
Kampala halkaasi oo ay ku jiraan ku dhowaad Kun Askari oo ka mid ah Dalka Soomaaliyeed,dhowaanna tababarkoodii loosoo xiray Waxaana uu Madaxweynuhu mid mid uga wareystay Ciidammadaasi xaaladooda isagoo sidoo kalena u jeediyey Khudbad dardaaran ah oo uu ugu muujiyey Mas’uulliyadooda ka saaran iney dadkooda ka xoreeyaan cadawga Al-Qaeda. Madaxweyne Shariif Sheekh Axmed ayaa sidoo kale la filayaa in maalinnimada berri ah uu la kulmo Ardayda Soomaaliyeed ee waxka barata Jaamacadaha dalkaasi, ganacsatada iyo guud ahaanba Jaalliyadda Soomaaliyeed ee ku nool dalka Ugandha. Maxamuud Axmed Xasan
Somaliweyn Media Center (SMC)
Somaliweyn Media Center (SMC)
|
