Kooxda Alshabaab oo Xalay Dhowr Madfac ku tuurtay saldhig ay
daganyihiin Ciidamada Huwanta ku leeyihiin Jubooyinka

Mogadishu Isniin 21 May 2012 SMC

Naga soo wac halkan (Skype)

Kooxda Alshabaab oo Xalay Dhowr Madfac ku tuurtay saldhig ay daganyihiin Ciidamada Huwanta ku leeyihiin Jubooyinka

Wararka aynu ka heleyno deegaanka Qooqaani ee gobolka Jubada Hoose ayaa sheegaya in dagaalyahanno katirsan Al-shabaab ay weerar madaafiic ah xalay saqdii dhexe ku qaadeen saldhig ay ciidamada dowladda iyo kuwa Kenya ku lahaayeen deegaanka Qooqaani ee gobolka Jubada Hoose.

Malayshaadka Al-shabaab ayaa sheegtay in ka badan 11 madfac ay xalay ku weerareen saldhig ay ciidamada huwanta ah ku lahaayeen deegaanka Qooqaani, waxaana ilaa inmika aan la ogey qasaaraha ka dhashay weerarada ay Shabaabku sheegteen.

Saraakiisha dowladda ee gobolka Jubada Hoose oo aan la xiriirnay ayaa sheegay in ay ka hortageen weerar ay xoogagga Al-shabaab ku soo qaadeen deegaanka Qooqaani, iyagoona sheegay in aysan jirin wax khasaare ah oo dhankooda kasoo gaaray weerarkii xalay.

Gaashaanle Max’ed Caraboow oo kamid ah saraakiisha dowladda ayaa shabakada Somaliweyn.com u sheegay in ku dhowaad ilaa 11 xabo oo madaafiic iyo hoobiyeyaal isugu jirto ay Malayshaadka Al-shabaab xalay ku soo tureen deegaanka Qooqaani, wuxuuna sheegay in aysan jirin cid wax ku noqotay weerarkaasi.

Dhanka Al-shabaab ilaa imika ma jiro wax war ah oo ku saabsan duqeyntii xalay oo kazoo baxay, waxay arintani qeyb ka tahay weerarro ku dhufoo ka dhaqaaq ah oo kooxda Al-shabaab ay mudooyinkii u danbeeyay ka geysanayeen goobaha loga itaal roonaaday isla markaana ay ku suganyihiin ciidamada huwanta ah ee gobolka Jubada Hoose.

Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com 
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com