Augustine Mahiga : “Ansixinta Ra'iisu wasaare Saacid ay ansixiyeen mudanayaasha baarlamaanka waxay caddeyn aan muran lahayn u tahay horumarka ka hanaqaaday Soomaaliya...”

Mogadishu Khamiis 18 October 2012 SMC

Naga soo wac halkan (Skype)

Augustine Mahiga : “Ansixinta Ra'iisu wasaare Saacid ay ansixiyeen mudanayaasha baarlamaanka waxay caddeyn aan muran lahayn u tahay horumarka ka hanaqaaday Soomaaliya...”

Wakiilka gaarka ah ee xog-hayaha guud ee Qaramada Midoobay u qaabilsan Soomaaliya Dr. Augustine Mahiga ayaa soo dhoweeyay ansixinta raysul wasaare Cabdi Faarax Shirdoon (Saacid).

“Ansixinta ra'iisul wasaare Saacid ay ansixiyeen mudanayaasha baarlamaanka waxay caddeyn aan muran lahayn u tahay horumarka ka hanaqaaday Soomaaliya,” ayuu Mahiga ku sheegay war-saxaafadeed laga soo saaray xafiiskiisa.

Mahiga waxa uu sheegay in ansixinta aqlabiyadda leh ee raysul wasaare Cabdi Faarax Shirdoon ay astaan u tahay billow fiican oo wada-shaqeyneed iyo kalsooni u dhaxeeya labada qeybood ee dowladda.

Mahiga ayaa ugu baaqay raysul wasaaraha cusub inuu si deg-deg ah u magacaabo gole cusub oo wasiirro ah, isagoo xusay inay yaallaan howlo badan, waqtiguna uu aad u kooban yahay.

Wakiilka gaarka ah ee xog-hayaha guud ee Qaramada Midoobay u qaabilsan Soomaaliya Dr. Augustine Mahiga ayaa ballan-qaaday inuu la shaqeyn doono raysul wasaaraha cusub iyo xukuumaddiisa cusub.

Baarlamaanka Soomaaliya ayaa maanta cod buuxa ku ansixiyay raysul wasaaraha. Kulanka ansixinta Saacid waxaa goob-joog ka ahaa 215 mudane, kuwaasoo dhammaantood cod buuxa ku oggolaaday raysul wasaaraha.

Ambassadoor Mahiga ayaa sido kale u hambalyeeyay shacabka soomaaliya ugana baaqay in ay la shaqeeyaan raysal wasaaraha cusub.

Web Updating, Somaliweyn Website
contact@somaliweyn.com  
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com