|
Dowlada Ingriiska iyo Midowga Afrika oo soo dhoweeyay raisulwasaaraha cusub ee Somaliya
Mogadishu axad 7 October 2012 SMC
Naga soo wac halkan (Skype) |
|
|
Dowlada Ingriiska iyo Midowga Afrika oo soo dhoweeyay raisulwasaaraha cusub ee Somaliya
Warsaxaafadeed laga soo saaray xafiiska ururka midowga Africa ayaa
lagu taageeray magacaabistii raisulwasaraha cusub ee Somaliya Cabdi
Faarax Shirdoon oo loo yaqaan Saacid.
Ku xigeenka ergayga gaarka ururka midowga Africa Ambassador Bubakar
Diara ayaa ugu hambalyeeyay Cabdi Faarah magacaabista loo doortay in
uu noqdo raisul wasaaraha Jamuriyada Somaliya, Diara ayaa sheegay in
guul weyn ay tahay soo dadjinta magaacaabista raisulawasaraha taasoo
ahayd guul markale u soo hoyatay dadka Somaliyed.
“Tani waxay markale guul u tahay dadka Somaliyed ee soo maray sanado
fowdo iyo dhibaatooyin ahliya,waxaana rajeynayaa in raisulwasaaruhu uu
la soo boxo karti iyo hufnaan dhinaca shaqada ah taasoo dalka kaga
gudbinayo dhibaatooyinka horyaala, oo maamulkiisana uu ku dhisnaan
doono dowlad wanaag cadaalad iyo xisaabtan, ayuu yiri ambassador
Bubakar Diara.
Diara ayaa sheegay in midowga Africa ay sidoo kale il dhow ku
dhowrayaan dhismaha golaha wasiirada ee xukumada raisulwasaare Cabdi
Faarax sida ugu dhaqsiyaha badan.
“AMISOM waxaa marwaliba cadeyneysaa in ay idin garabtaagantahay, oo ay
la shaqeyn doonto dhamaan hayadaha cusub ee dowlliga ah, ayuu
hadalkiisa sii raaciyay ambassador Bubakar Diarra.
Ururka Midowga Africa ayaa taageero balaaran siiya dowlada Jamuuriyada
Somaliya iyadoo qaarkamida dalalka gobllka bariga Africa ay ciidamo
ka joogaan gudaha dalka Somaliya kuwaasi oo gacan ka siinaya ciidamada
Somalida dagaalada ay kula jiraan xarakada Alshaabab oo ka soo
horjeeda jiritaanka dowlada Jamuuriyada Somaliya.
Dhinacakalena wasiirka Africa u qaabilsan dowlada Ingriiska Mark
Simmon ayaa soo dhoweeyay magaacabista raisulwasaraha cusub ee
Somaliya Cabdi Faarah isagoo sheegay in dowlada Britian ay garab
istaagi doonto xukumada raisulawasaare Cabdi Faarax,
Mar Simmon waxaa uu xusay in Britian ay aad ugu rajo weyntahay in mar
un la arki doono horumar dhinac waliba leh oo ka hanaqaada gayiga
Somaliya inta lagu gudo jiro afarta sano ee soo socota.
Web Updating, Somaliweyn Website
contact@somaliweyn.com
www.somaliweyn.com
Naga soo wac halkan (Skype) |
|
Somaliweyn Media Center (SMC)
Somaliweyn Media Center (SMC)
|
