Fursaddo waxbarasho oo loo fidiyay qaar ka mid ah Ardeyda degmada Dharkeenley ee Magaalada Muqdisho

Mogadishu Sabti 1 September 2012 SMC

Naga soo wac halkan (Skype)

Fursaddo waxbarasho oo loo fidiyay qaar ka mid ah Ardeyda degmada Dharkeenley ee Magaalada Muqdisho.

Ururka hormarinta wax barashada Ardayda ee GOSED uu fadhigoodu yahay magaalada Muqdisho ayaa soo qaban qaabiyay Xaflad Deeq Wax Barasho lagu Tabarucay in ka badana Lixdan Arday Soomaaliyeed.

Fursada waxa barasho ayaa la siiyay ardayda dhigata dugsiyada hoose ,Dhexe, Sare iyo Jaamacado waxaa si weyn uga faa’ideysan doona Ardayda Soomaaliyeed ee wax ka barata Iskuulada ku yaala Magaalada Muqdisho gaar ahaan Ardayda ku dhaqan Degmada Dharkeenley.

Godoomiyaha Ururka hormarinta wax barashada Ardayda ee GOSED Axmed Sheekh Xasan oo hadal ka jeediyey Xafladan ayaa sheegay in wax barasho Lacag la’aan ah oo ka kooban heerar waliba oo iskugu jiraan Jaamacad iyo kuwa kale ee Asasiga ah in uu u helay Ardayda deegaanka, waxuuna intaa ku daray ineysan jirin cid ku garab ku siinaysa deeqdan isla markaana ay ugu tala galeen in ay ugu faa’ideeyaan Arday Soomaaliyeed oo aan Awood u laheyn in ay iska bixiyaan tasii laadka ama acagaha
waxbarashada.

“waxaan ugu talo galnay qorshahan in uu noqdo wajiga Koowad Ururka waxaa u dagsan qorshe in uu sanadkaani ilaa Sanadka dambe uu gaarsiiyo deeqda wax barasho Ilaa Kun Arday, qarashka waxaa naga bixiyay oo Ururka u kifaallo qaaday Ardayda waxbarashadooda in ay bixiyaan qaar ka mid ah Jaalidaha banaanka iyo waliba qaar gudaha ku sugan”. sidana waxaa yiri Axmed Sheekh.

Xaflada oo aad u balaarney ayaa ka soo qeyb galay Waalidiinta Ardayda , mas’uuliyiinta Ururka GOSED, Aqoonyahano, Culimaa’udiin iyo Maamulka Degmada Dharkenley, waxaana ka hadlay Fursadaha waxbarasho ee loo fidiyay qaar ka mid ah ardeyda degmada Dharkeenley dad badan sida Sheekh Cabdulaahi Xooshow, Aadan Maxamed Cumar, Muxudiin Maxamed Cumar, Geedi Maxamuud Maxamed, Cali Axmed , Sheekh Yuusuf Jimcaale oo intoodaba si wanaagsan u cabireen qeymaha ay wax barashada u leedahay
ubadka in wax la baro, “BERI HORE WAXAY AHEYD WAX BARO ISKANA BIXIYA, BERIGA WAXAAN HEYNAA WAR DHAHAYA WAXBARO ANAGAA KAA BIXINEYNA”. sidaana waxa yiri Sheekh Yuusuf Jimcaale oo ku hadlayay magaca waalidiinta.

Ugu dambeentii waxaa ka hadlay Guddoomiyahay Degmada Dharkenlay Macalin Cabdulle Cali Hilowle oo aad ugu faraxsaan in uu gudoonsiiyo Fursaddo waxbarasho Ardayda Soomaaliyeed.

“waa fursad fiican oo ku dayasho mudan ayna tahay in arrinkaan Walidiinta ugu faa’ideeyaan Carruur tooda, Waxaana lagu deydaa Aqoonta Ninka kaaga fiican si aad u kororsataa wanaaga aqoontana in laga faa’ideesto ayaan soo jeedinayaa, dhanka Xukuumada cusubna waxaa ka rajeynayaa in ay hergeliyaan Dugsiyo Lacag la’aan ah , Insha Allaah haduu Alle yiraahdo is gacan qabsi iyo Dadaal badan in dhalintaani ay wax barashadu wado ayaan ka rajeynayaa mustaqbalka ”.

Magaalada Muqdisho ayaa noqotay xarun ay usoo tartamayaa shacabka dibad jooga ah si ay wax ula qabsadaan ama ay u abuuraan mashaariin ku aadna dhanka horumarinta Bulshada Soomaaliyeed.

Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com 
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com