Ismiidaamin ay ku dhinteen dad ay wariyaal ka mid ahaayeen oo Caawa ka dhacday Guriga Hooyooyinka ee Muqdisho

Mogadishu Khamiis 20 September 2012 SMC

Naga soo wac halkan (Skype)

Ismiidaamin ay ku dhinteen dad ay wariyaal ka mid ahaayeen oo Caawa ka dhacday Guriga Hooyooyinka ee Muqdisho

Wax yar ka hor xiligii Salaada Maqrib ilaa laba qarax oo ay ku dhinteen dad lagu qiyaasay ilaa 15 ruux ayaa caawa waxaa uu ay ka dhaceen Magaalada Muqdisho.

Wariyaasha la xaqiijiyay in ay qaraxa ku dhinteen ayaa waxaa ka mid ah madaxii wararka ee TVga Qaranka C/sataar Daahir Sabriyo iyo Liibaan Cali Nuur oo isna ahaa Tafaftirihii TVga dowlada iyo C/raxmaan Yaasiin Agaasimahii Idaacada Raadiyo Xamar ee VOD dad goobjoog ahaa xiliga uu Qaraxu dhacay ayaa warfidiyeenka u sheegay in laba ruux oo lagu soo rakibay walxaha Qarxa in ay gudaha u galeen Maqaayad lagu Magacaabo Village oo dhabarka ku haysa Dhismaha Hooyooyinka ee
Muqdisho gaar ahaan waxaa ay abaareen qeybta Martida ama VIPda halkaas oo ay ku sugnaayeen wariyaasha geeriyooday iyo dadweyne Soomaaliyeed oo Xiligaas faraxsanaa laakin mudo daqiiqad gudaheed ayeey farxadu isbadashay ka dib markii Kooxda Dhagarqabayaashu ay naftoodii haligeen
dad aan waxba galabsana ay la tageen.

Dadka ay waxyeeladu ka soo gaartay qaraxa ayaa lageeyay Isbitaalka Madiina dadka goobta ku dhintay ayaa sidoo kale waxaa ka mid ahaa shaqaalahii maqaayada

Xiliyadii ugu dambeeyay Kooxda Alshabaab waxaa ay bilaawday mar hadii loga guuleystay dagaalada beegsiga goobaha ay joogaan dadka shacabka dadka qiimeeya Jabhadaha iyo marka ay gaaraan xaaladahan oo kale waxaa ay ku tilmaameen in ay marqaati u tahay awoodooda oo wiiqantay iyo in ay dhamaatay rajadii ay ka lahaayeen in ay dadka dib ugu soo laabtaan

Hadii aanu Nahay Bahda Shabakada wararka ee somaliweyn.com waxaan tacsi u direenaa dhamaan dadkii ku shahiiday weerarkaas naftii haligaha ku dilay dad aan wax dambi ah galin gaar ahaan waxaan si khushuuc ku jiro aan ugu tacsiyadeeneeynaa ehelada iyo asxaabta wariyaashii ku shahiiday weerarkaas dulmiga iyo axmaqnimada isugu jiray oo ay kooxda Alshabaab ku dishay dadka Shicibka ah

Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com 
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com