Xildhibaan katirsan baarlamaanka cusub oo caawa Muqdisho lagu toogtay

Mogadishu Sabti 22 September 2012 SMC

Naga soo wac halkan (Skype)

Xildhibaan katirsan baarlamaanka cusub oo caawa Muqdisho lagu toogtay

Kooxo Hubeysan ayaa caawa maqribkii ku dilay Xaafada Cali Boolaay ee degmada Waabari Xildhibaan ka tirsan Baarlamaanka oo lagu magacaabi jiray Mustaf Xaaji Maxamed, kaasoo ka mid ahaa xildhibaanada cusub ee dhowaan loo dhaariyay Baarlamaanka Federaalka Soomaaliya.

Wararka ayaa sheegaya in kooxaha dilka ka dambeeyay oo ahaa ilaa saddex dhalinyaro oo bastoolado ku hubeysan ay ku toogteen Xildhibaanka agagaarka Hoygiisa, markii uu ka soo baxay Salaadii
Maqrib.

Xildhibaakan la dilay ayaa ahaa Sodogii Madaxweynihii hore Sheekh Shariif, waxaana uu dhalay xaaskiisa labaad.

Qof goob jooge ah ayaa sheegay in ragga dhalinyarada markii ay toogteen ay durba goobta ka baxsadeen, iyadoo dhaawac xun oo soo gaaray markii loola cararay Isbitaalka ugu dhintay.

Xildhibaankan la qaarijiyay ayaa noqonaya xildhibaankii u horeeyay oo ka mid ah Xildhibaanada cusub ee Baarlamaanka lagu dilo magaalada Muqdisho.

Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com 
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com