Hay'adda UNESCO oo dhinacyada Soomaalida ka dalbatay ilaalinta xuriyadda bahda warbaahinta

Mogadishu Isniin 24 September 2012 SMC

Naga soo wac halkan (Skype)

Hay'adda UNESCO oo dhinacyada Soomaalida ka dalbatay ilaalinta xuriyadda bahda warbaahinta.

War saxaafadeed ay soo saartay haweeneyda agaasimaha guud ka ah hey’adda UNESCO Irina Bokova ayaa waxa ay ku sheegtay in si aad ah ay uga wal wal santahay dilalka loo geesanayo wariyayaasha ka howlgala warbaahinta ku taala dalka Somalia , waxana ay sheegtay in si aad ah ay u dhaleeceeneyso dilalkaasi.

Irina Bokova waxa ay warsaxaafadeedkeeda ku sheegtay in tobobaadkii la soo dhaafay magaalada Muqdisho lagu dilay 5 wariye taasina ay cadeeneyso inaan la ilaalineynin xaquuqda warbaahinta iyo wariyayaasha ka howl gala.

Dhinacyada siyaasadeed ee dalka somalia ayay ugu baaqday in muhiimadda ay siiyaan ilaalinta bahda warbaahinta ka howlgasha Somalia waayho waxa ay sheegtay in wariyuhu uu yahay ruux ka shaqeenaya dib u heshiishiin .

Agaasimaha guud ee hey’adda UNESCO Irina Bokova ayaa Dowladda Somalia ku eedeysay wax ka qabasho la’aanta kooxaha dhibaateenaya wariyayaasha maadaama inta badan wariyayaasha lagu waxyeeleeyo goobaha ay ka taliso , waxana ay ka dalbatay dowladda Somalia in maxkamad ay soo
taagto kooxihii ka dambeeyay dilkii wariyayaashii maalmihii la soo dhaafay lagu dilay Muqdisho.

Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com 
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com