Ciidamada Booliska iyo Maamulka Degmada Hodan oo Maanta Muqaadaraad ku soo bandhigay Saldhiga Hodan

Mogadishu Khamiis 27 September 2012 SMC

Naga soo wac halkan (Skype)

Ciidamada Booliska iyo Maamulka Degmada Hodan oo Maanta Muqaadaraad ku soo bandhigay Saldhiga Hodan.

Saraakiisha Booliska iyo Masuuliyiinta Degmada Hodan ayaa shalay waxaa ay Saldhiga Degmada Hodan ku soo Bandhigeen waxyaabaha Maanka Dooriya oo aad ufara badnaa ku waas oo ay Ciidamadu ka soo Qabteen Howl gal ay Xalay ka sameeyeen Xaafado ka Tirsan degmadasi iyo ragii
watay oo gaarayay 2 Nin.

Waxyaabaha la soo bandhigay ayaa waxaa ay isugu jireen Kortoomo ay ku jiraan Dhalooyin Qamro ah iyo Xashiishad waxaana Saraakiishii Saxafada la hadlay ay Sheegeen in waxyaabahaan ay soo bandhigeen ay yihiin kuwo qayb ka ah Amaan darada ka jirta Magaalada Muqdisho .

Gudoomiyaha degmada Hodan Cabdi Maxamuud warsame Dhabarey ayaa ugu horeyn halkaasi ka hadlay waxaana uu u mahad Celiyay Ciidamadii Sameeyay Howl Galkaan lagu soo qabtay Maan dooriyaha isagoo intaa ku daray in Maal mihii u Dambeeyay Ciidamadu Boolisku ay laba jibaareen
Howl galada ay ku sugayaan amaanka Degmada .

Taliyaha Ciidamada Booliska Gobolka Banaadir Gen-Axmed Xasan Maalin ayaa isna Goobta ka hadlay waxaana uu sheegay in Howl galkaan ay Ciidamadu Ka sameeeyeen degmada hodan uu qayb ka yahay Howl gal Guud
oo Ciidamadu ay ku sugayaan Amaanka Magaalada Muqdisho hadii aan wax yaabaha Nuucaan oo kale wax laga qabana uusan amaan jiri karin .

Ugu Dambeyntii ayaa waxaa isna halkaa Hadal kooban ka jeediyay Taliyaha hay.ada dambi barista C I D Gen C/laahi xasan braise oo sheegay in Qamrigaan lagu soo farsameeyo wadanka Eithopia ka dibna loo soo suuq Geeyo Soomaaliya isagoo ku Tilmaamay mid ka qayb qaadanaya Dhibaatada Dalka .

Maxamuud Axmed Xasan
Web Updating, Somaliweyn Website
xuurshe20@hotmail.com - Xuurshe114@gmail.com 
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com